無懼基因突變隱憂 朱慧敏恨嫁着裙褂
藝人朱慧敏（Queenie）與彭懷安拍拖7年多，雖然去到談婚論嫁階段，但最終分手收場。日前Queenie接受英國某藥廠邀請，拍攝呼籲女性關注BRCA基因突變問題的短片，大談感情觀：「我好鍾意談戀愛，如果你問我想幾時結婚？我可以答依家都想，我好想結婚，因為裙褂好靚，成日都想試着。」並自爆不乏追求者，但希望另一半思想正面、與她一致，絕不會降低擇偶要求。
提到Queenie媽媽、婆婆及姨姨均因乳癌離世，她亦被驗出帶有BRCA基因突變，患乳癌或卵巢癌的機會比一般人高，但她不覺得是「負累」，還視之為「禮物」，感激母親將她帶來世界，更不會因此影響組織家庭念頭。
拍攝當日，她出動參選港姐時贏得的后冠：「當年我選港姐，媽媽發現患乳癌，但佢怕影響我參賽表現，刻意唔同我講，到我發現佢患癌時，已經係末期。」說到此時，她即眼濕濕，相當感觸。
