曾航生向妻坦白情史：佢選擇信我
早前在電台節目透露已婚兼育有B女的曾航生，再自爆求婚過程極簡單，但太太依然冧爆「收貨」。重提與前女友梁安琪的往事，他即澄清︰「我問心無愧，清者自清。」又指已向太太坦白事件，太太選擇相信他！
現育有10個月大囡囡曾子桐的曾航生接受本報專訪，「從實招來」4年前與太太加菲旅行結婚，又笑指節目播出後被友人「投訴」︰「好多朋友都鬧我『咁老友都唔通知聲？』，多謝大家嘅祝福，太太係圈外人唔想太高調，我又唔鍾意麻煩人，希望大家多多包涵。」
問到為何選擇在節目「洩蜜」？他坦言並非有意自爆︰「嗰日係同方伊琪一齊做訪問，佢見到我電話Wallpaper係個BB女，就問我係邊個，我又覺得唔需要隱瞞呢個事實，就話係我個女，發生得好自然。」當初知道「前世情人」來臨時心情如何？他微笑冧說︰「好似上天賜咗份禮物畀我，依家都盡量抽時間陪佢，發現佢對音樂好有天分，對聲音觸覺好敏銳。」
Send Message求婚
提起求婚過程，他笑言比傳統單膝捧花求婚來得別開生面，更全靠一部電話成事︰「好簡單用Message求婚，就同太太講『既然大家都相處得咁融洽，不如組織一個家庭，等我照顧你啦。』之後佢就Say Yes。」原來他當初連表白都是用同一方法，因太太是內地人，拍拖後一直以Message傳情維繫「Long D」︰「同太太一拍即合，喺睇法、性格上都好相似。（歲數相若？）都有少少距離，佢比我後生多少少，但大家都鍾意宅喺屋企。」
對是非問心無愧
外間指他與演出的電視劇《迷》角色相似，不時問另一半攞錢，他大方說︰「代入冇所謂，識我嘅朋友都知我係咩人，唔識我嘅朋友，佢哋鍾意去點選擇，信定唔信，都等佢哋自己決定。（太太清楚了解？）有同佢講，而佢選擇相信我！」
講到與前女友梁安琪的一段情，曾航生坦承各有各忙，較少聯絡。對於拍拖時被傳「男靠女」，他說︰「第一，我問心無愧，冇做過呢個事情；第二，當事人都有出嚟講過冇咁嘅事；第三，已經搵咗律師進行相關法律程序，清者自清，真係冇咁嘅事，梁小姐當年都係我公司職員之一，另外有齊所有合約證明支出。」
場地︰B P International