摘士多啤梨 黃紫盈畀女跟

前無綫新聞主播黃紫盈（Connie）最近到日本三重縣拍攝旅遊節目，體驗以「美食」和「治愈」為概念的特色溫泉度假酒店，酒店設有一個佔地甚廣的士多啤梨園，當時正值當造季節，Connie當然不放過即摘即食的機會。拍攝期間，她在園內遇上一名4歲小妹妹，她說：「小妹妹一直跟住我，教我點摘同點揀，仲好溫馨提示拍攝隊伍唔好掛住拍嘢，要快啲食，又送咗一大堆士多啤梨畀我哋，好窩心。我喺香港比較少食士多啤梨，但嚟到日本一定要食到夠，即摘即食真係特別鮮甜。」她透露早前在港為大型日式超市擔任日語司儀時，同場結識到日本殿堂級甜品大師辻口博啟，而今次到訪的度假酒店原來跟大師亦有合作，令Connie大感有緣。