驚囝囝做錯事 王敏德設門禁
藝人王敏德自家品牌與酒莊合作推出紅酒，前晚舉行慶祝酒會，他拿住酒杯滿場飛，還即席獻唱及彈琴。他謂平時會與家人一起飲酒，但囝囝年紀還細偏愛啤酒，問到會否監管不可飲太多？他說：「阿女好有節制、唔使管，阿仔就鍾意去夜蒲玩，所以有規條管制，要佢2點前返屋企，因為2點後好多時啲人都飲大咗，驚佢做錯事！如果過咗2點未返就鎖門冇得入屋。」
郭可頌讚Lynn好老婆
名模熊黛林（Lynn）老公郭可頌專誠撐王敏德，並表示老婆在家湊孖女：「佢哋已識叫爸爸爸媽媽。（叫邊個先？）叫爸爸先，聽到佢哋第一次叫爸爸真係好開心。（Lynn會唔會唔開心冇叫佢先？）唔會。」問到Lynn是否滿分太太和媽媽？他大讚老婆：「一定多過一百分。」此外，Lynn昨日在社交網上載孖女上堂照片。