信得過麥兆輝 方中信：佢叫我埋位就埋囉！
藝人方中信在英皇電影《廉政風雲 煙幕》客串演出，短短幾場戲已教人留下深刻印象。已多次與導演麥兆輝合作的他早前接受訪問，直言跟對方互信度十足，而今次有機會再結片緣，當然駕輕就熟！談到續集《黑幕》題材與《竊聽風雲3》異曲同工，他坦言不會過問太多，對麥兆輝絕對信任：「交畀麥導處理啦，最緊要係合適啫，佢叫我埋位就埋囉。」
被讚穩陣有魅力
他近日忙於拍攝新戲，寓工作於娛樂：「日日被美食吸引，試過食到頂住個胃。有日我拍到好攰，坐喺張櫈度眠一眠，本來睡姿係翹住雙手，點知瞓瞓吓覺得好唔舒服扎醒，先知原來係雙手壓住個胃出事！」他現在亦有行山習慣：「試過凌晨五點起身跑一輪先去開工！」
對於方中信的演出，麥導讚不絕口：「識咗佢20年，方中信係一位相當穩陣、愈嚟愈有魅力兼且愈嚟愈好嘅演員。問心講我套套戲都預佢，咁好嘅演員點會唔想合作，只要角色適合又點會漏咗佢呢？」