被公認為新一代「吸金女王」的美國真人騷女星Kylie Jenner，繼去年打入財經雜誌《福布斯》（Forbes）「美國60位最富有白手興家女性」排行榜後，近日再以10億美元（約78.5億港元）身家被該雜誌選為全球最年輕的「白手興家」富豪！
現年21歲的Kylie去年7月憑年賺接近13億港元的收入，打入《福布斯》「年度百大最高收入娛樂家」排行榜第3位，身家達70.6億港元。未夠一年時間，其身家已暴漲至78.5億港元，打破社交網Facebook創辦人朱克伯格（Mark Zuckerberg）當年23歲創下10億美元身家的紀錄，成為全球最年輕的「白手興家」富豪！Kylie憑家族真人騷成名，2015年轉戰化妝界創立個人品牌吸金，雖然推出以來，多次被顧客投訴品質，更有人指產品令人強烈頭痛，但仍大受歡迎！
消息一出，Kim及Kendall都在社交網留言祝賀妹妹，但有知情者指Kim私下其實好嬲，更責怪經理人母親Kris Jenner離棄她，令其美容產品系列KKW不及Kylie的個人品牌暢銷。前日Kim以豹紋打扮於巴黎睇時裝騷，知情者說：「Kim係嘗試搶走Kylie風頭，但相信唔Work，佢哋之間嘅關係愈來愈壞，今次Kylie終於報復成功！」而Kylie的歌手男友Travis雖然早前被爆偷食，但亦有上載女友相片祝賀。
與此同時不少網民及名人留言，認為Kylie不配「白手興家富豪」的名銜。英國寸嘴主持皮爾斯摩根（Piers Morgan）指她絕非「白手興家」，只是憑家姐Kim當年拍春宮帶才令人認識其家族。而加拿大創作女歌手Lindi Ortega亦留言反諷：「如果話Kylie係『白手興家』，咁威廉王子（Prince William）都係！」