鄭融油畫拍賣值五千

歌手鄭融昨日到電台宣傳新歌《13樓的大笨象》，她表示推出紀念杯送給Fans，上面有填詞人黃偉文（Wyman）親筆繪畫的公仔圖案，她則寫上歌名及簽名。對於Wyman的畫功，她笑說：「好有藝術家感覺。」問到為何不親自畫？她說：「我唔係藝術家，Wyman畫就比較驚喜。（你自己畫功點？）都OK，細個讀書畫過一幅油畫，係參照莫奈嘅荷花池，畀老師拎咗去拍賣，結果籌到5,000蚊，係嗰年最貴嘅一幅，不過好遺憾冇影相。（依家仲有冇畫畫？）間唔中都有同朋友去art jamming，油畫冇乜規則，好輕鬆。」