王敏德愛的道歉 馬詩慧冧到震
名模馬詩慧與藝人老公王敏德是圈中出名的模範夫婦，結婚多年恩愛如昔，她取笑老公王敏德唔肯學好廣東話，覺得觀眾愛聽他的獨特口音。她又自爆每次夫妻冷戰，只要王敏德講「我愛你」，即刻嬲唔落！
馬詩慧（Janet）和王敏德結婚27年，婚後育有3名子女，感情十年如一日，恩愛到爆。早前她擔任東網巨星節目「海馬牌床褥特約」《閨蜜睡房》嘉賓，一連三集與主持人李惠儀分享軼事。Janet自爆最難接受老公的鼻鼾聲，並指每次鬧交，不會嬲老公超過3日：「我哋好少嗌交，但唔代表我哋相安無事，我唔鍾意鬧出嚟，唔開心我就唔出聲。」但當王敏德講：「老婆你做乜？我愛你，I love you！」她即刻冧晒，唔嬲對方。
觀眾愛獨特口音
她讚老公非常好學，愛攝影及唱歌，近年又迷上彈鋼琴，但偏偏冇學好廣東話，笑對方在港發展多年，依然講唔鹹唔淡的廣東話，她沒好氣說：「佢好好笑，話啲人明明鍾意佢呢種口音，點解要改變？」不過她很欣賞老公學到老的心態，覺得男人不好學，經常在家便很煩人。究竟王敏德有幾煩？她說：「佢喺屋企一日到黑搵嘢食，搞到亂糟糟！男人唔可以畀佢定落嚟，佢一定要有啲嗜好，佔據自己嘅時間。」
私生活關你咩事？
兩公婆都在幕前工作，私生活難免成為公眾焦點。Janet坦言大女Kayla出櫃後，受到外界輿論壓力：「點解外面啲人唔接受呢？自己屋企人都接受，關你哋外面啲人咩事？」不過她承認當初大女隱瞞性取向時，對父母講了不少大話，令王敏德非常震怒，Janet亦被嚇呆！想知更多？記得本星期五、六、日收睇《閨蜜睡房》喇。
服裝：intimissmi