麥美恩爆許文軒送「碌」嘢賀生日

藝人麥美恩昨日身穿連身裙微露「線頭」，出席生活護理品牌活動，即席炮製沙律。講到父母日前從加拿大來港幫她慶生，她說：「媽咪仲喺香港，嗰晚食飯都好開心，又見到好多朋友。」講到獲神秘人送花，她笑指是緋聞男友許文軒（Edmond）間接送的：「其實係駱胤鳴同佢另一半代佢送。（咁佢實際送咗咩畀你？）佢送咗去水腫嗰啲『碌碌』，知我想Fit啲。」又笑言當晚Edmond都有在場慶生，但不是首次見家長：「上年生日都一齊。（父母對佢印象點？）覺得佢幾好笑、幾得意。（過關？）冇乜所謂！佢哋都覺得呢個朋友值得Keep。（佢哋有冇問你哋緋聞啲嘢？）嗰晚都有攞出嚟講笑。」