廖子妤目標執導余香凝搶閘𢱑撈

藝人余香凝與妹妹余潔瀅、廖子妤（Fish）、組合Super Girls（SG）、麥子樂、黎學勤、鄺潔楹與陳詩欣等前晚出席公司開年飯局，並為月底生日的Fish預祝，首次食公司開年飯的麥子樂抽中5,000元現金大獎。快將29歲的Fish透露生日願望：「想做導演、想寫自己嘅故事。」好友余香凝即支持︰「搵我做演員吖！係咪主角我都冇所謂。」但Fish笑言工作排到年中，要再有時間才可繼續寫劇本。三料入圍角逐今屆金像獎的余香凝，談及獲提名感受：「我覺得自己仲係好新，有時會擔心做得未夠好！對於將來嘅演出會多咗壓力。」又稱有意倣效Fish着西裝去頒獎禮。