Aka靠媽咪儲錢買磚頭
組合Super Girls隊長Aka及C AllStar成員陳健安（On仔）昨日出席理財活動，問到理財心得，On仔笑言：「賺多啲錢，但我冇乜儲錢方法，唔識儲錢。（你好大使？）唔係，反而呢排學緊斷捨離，啲唔用嘅嘢就會丟，同埋買嘢先知咩係需要，而唔係衝動。」
Aka自言懶惰，認為留在家中最慳錢：「唔使搭車食飯，每個月會留幾千蚊畀自己，剩低就畀媽咪儲，可能過咗唔知幾多年之後就買到樓。」她大呻學唱歌要千多元一堂，不過用得最多錢搭的士：「為咗慳時間或者想瞓晏啲，但搭的士好貴，所以遲啲想搭多啲其他交通工具。（唔驚粉絲認得你？）有人認得我會好開心呀，歡迎佢哋同我影相！」