蔚雨芯苦練演技等運到

藝人蔚雨芯（Rainky）事業愛情兩得意，有馬來西亞富貴男友，劇集又一部接一部，但她會暫時放下唱歌專注演戲：「我好鍾意唱歌，但未搵啱自己嘅方向，暫時放埋一邊先，電影、電視我都演過，比較鍾意拍電視劇，可以入屋，自己睇番演出都覺得好木，仲有好多進步空間，所以會放多啲心機喺演技上面。」
蔚雨芯仲有幾年先行另一個運，唔介意捱吓！
蔚雨芯仲有幾年先行另一個運，唔介意捱吓！

早前她在劇中飾演一個少女神婆，愛玩塔羅牌，因她不懂得塔羅牌，故特意跟師傅學派牌及問牌技巧，而她對第六感亦頗為敏感：「即係所講額頭頂個三角燈，即第六感燈係着咗，變咗對鬼神UFO嘅嘢好敏感，咁世界上有人類，點會冇其他生物呢？」現年25歲的她曾跟朋友到廟街睇相，相士指她早走少年運，注定入娛樂圈：「呢條運11歲已經開咗，我真係細細個就簽咗經理人公司，個師傅話我26歲後事業會複雜少少，但30歲到50歲啲嘢會自動飛埋嚟，所以呢幾年就要努力捱吓。」

蔚雨芯愛情得意，心情特別靚。
  • 蔚雨芯愛情得意，心情特別靚。