許廷鏗30放縱辣爆摸女

歌手許廷鏗（Alfred）於3月23日首次登上紅館舉行《許廷鏗再見智慧齒演唱會2019》，日前他與兩位女舞蹈員練舞，期間做出摸腰、箍頸等動作，兩女則摸他心口，認真艷福不淺！即將開騷，他說現時心情百感交集：「因為萬人見證初夜嘅大行動只此一場。」又指個唱海報的紅色其實是唇印：「好似畀人奪去初夜同有種好似成人禮嘅感覺，希望呢個騷同大家回顧番我音樂上嘅成長，同埋展望下個階段。紅館係歌手嘅第一個里程碑，我好好彩可以有呢個機會，入行10年，我又啱啱30歲，就像人生嘅小小交接點，由半成年變成大人。」

畀女圍頂得住

今次個唱挑戰跳舞，Alfred預告意識上比較性感，問到可會摸女舞蹈員還是自摸？他笑言：「兩樣都有啦，大家互摸。（摸邊度？）都係輕撫你的臉。（咁唔夠Sexy？）再諗諗啦，我呢個騷其實想老少咸宜，但依家好似得番個『鹹』字咁。（接唔接受到摸重要部位同辣身舞？）真係同Dancers冇呢啲隔膜，冇呢啲諗法，大家明白嘅，唔會尷尬，最緊要畫面好睇！」他又重提在記者會被巴西女模突襲錫錫，艷福無邊：「今次都真係多女仔嘅。（你受得住？）頂得住嘅！其實我一去到做嘢Mode，兒女私情就會擺埋一邊，所以咁多年都咁Dry。」

箍頸	摸腰 向來較少勁舞連場的許廷鏗，為個唱苦練舞步。	自摸 許廷鏗

有樣嘢一定會騷

個唱中他會與大家分享10年間的心路歷程，感性的他預計到時會爆喊：「好多朋友會嚟支持，好驚我喺台握握吓手見到佢哋會崩潰，會諗番好多以前嘅畫面。（會邀請鄭欣宜及同性密友胡鴻鈞來支持？）想請晒同我經歷過唔同階段嘅朋友嚟，同我見證呢個第一次。請得嚟做嘉賓嘅，每位喺我心目中都有特殊位置。」近幾個月他減了近20磅，問到是否到時騷肌？他搞爛Gag說：「有一樣嘢一定要騷嘅，就係露齒，露唔露多啲嘢就……睇當時啦，我覺得仲有進步空間。」

髮型：Derek Li@Xenter

化妝：Khaki Yan

場地：Alive Dance