分手冇「失聯」余香凝陳家樂金像碰頭
藝人余香凝昨日分別現身護膚品牌活動及電台訪問，在金像獎「叫三飛」角逐最佳女主角、最佳女配角及最佳原創電影歌曲獎的她，屆時將與20多名年輕演員輪流上台擔任主持，並為Opening表演：「希望唔使跳舞，我跳舞真係好肉酸！唱歌就一定要，好緊張，我唱Live經驗唔多，又有好多前輩望住。」
談及舊愛陳家樂亦是主持陣容之一，她表示綵排時或會見面，但不會拍擋主持，問是否分手後首碰頭？她說：「做嘢上係，3月中開始綵排，亦會拍宣傳片。」她坦言二人間中有聯絡，對方亦有恭喜她入圍。而三項提名中，她最想攞最佳原創電影歌曲獎：「唔好畀女主角同女配角獎我，我知自己未係時候拎，好唔公平，可能廿年後先，拎呢個獎最冇壓力！」
