患妊娠糖尿嚴控飲食 樂基兒：BB冇瘦到
名模樂基兒（Gaile）昨日腹大便便出席護膚品牌活動，透露預產期為4月底、5月初，談及早前於社交網表示患上妊娠糖尿，她說：「因為我家族有遺傳高膽固醇，所以飲食要好小心，依家冇嘢，BB都好健康。（因為妊娠糖尿而減肥？）我轉咗餐單，瘦咗6磅，但只係減自己嘅磅，BB冇瘦到。（係咪重磅BB？）唔係，佢依家3磅，唔係重，但屬於高嘅BB，可能喺我肚入面都有做瑜伽。」又表示計劃在港分娩：「我貪香港有陪月，老公亦喺香港做嘢。（順產？） 會試，但如果真係唔得，開刀都冇問題。」
徐濠縈爆老公頂親肺
至於徐濠縈被問到早前為何沒有參與馬拉松，她說：「因為老公（陳奕迅）個假期提早咗，跑馬拉松幾時都可以，老公緊要啲！」並透露去了日本10天：「同老公由一個山頭滑雪滑去另外一個山頭。期間Chok親條頸，老公就手㬹頂到自己個肺，話抖氣都痛，我即刻帶佢去睇醫生，好彩冇事！」同場還有同樣佗B的郭富城太太方媛，但她未有受訪。
