撻着張振朗 楊偲泳考慮情侶檔接Job

藝人楊偲泳昨日出席ViuTV廣告活動，提到被爆撻着無綫藝人張振朗，她即避談：「依家都係專注工作先，今年會陸續推出劇集同電影。（唔同公司唔可以太高調？）我覺得唔好影響到身邊人，唔好傷害我在意嘅人，希望可以保護到大家。（你哋有共識低調？）我會咁選擇，想自己或身邊朋友可以努力工作。」問到兩人可會情侶檔出席活動？她說：「暫時我知公司安排都係一個人接工作先。（你哋打對台會唔會尷尬？）工作還工作，如果客戶或公司覺得呢個拍檔唔錯，都係可以考慮。」