李佳芯缺氧畀仔撩

視后李佳芯（Ali）昨日出席電子錢包活動，提到早前被拍得現身內衣店，她說：「新年前諗住買啲新嘅打底，但就畀人話我買喱士內衣，無啦啦性感咗。」又透露剛從西藏拍節目7日返港，相當辛苦：「海拔5千米，有高山反應，個頭好似發脹咁，好痛，每日都食藥，又有缺氧感覺。（有冇搵靚仔人工呼吸？）冇，不過關卡真係有個靚仔。（即刻有番氧氣？）哈哈，條氣順番囉！可能佢平時少見人，見到我就撩我，話我個樣比張相細十年。幾個鐘後我返番落嚟，其實已經好辛苦，又再見到嗰個靚仔，心情都開心番。」問到會否怕男友陳炳銓呷醋？她笑說：「又冇過夜，冇發生咩事，唔會啦！」