陳曉華驚表演失手噩夢纏身

19位應屆國際中華小姐候選佳麗，昨日到主題公園拍攝花絮短片，眾女穿上密實風褸，睇頭欠奉。決賽將至，香港代表陳曉華（Hera）坦言壓力很大，經常發噩夢：「我才藝表演係關於空中嘅嘢，發夢跌咗落嚟或者帶漏嘢，可能唔夠瞓又好耐冇練。（點樣減壓？）搵其他佳麗傾偈同食嘢，大家有交換零食。」至於有幕前經驗的馬來西亞代表彭嘉伊表示，適應早起捱夜的生活，又指覺得最大勁敵是Hera，讚對方笑容很美似天使。
陳曉華笑言要食零食減壓。
陳曉華笑言要食零食減壓。

黃翠金否認做傳銷

三藩市代表黃翠金面上有不少「粒粒」，對於被爆做傳銷，利用華姐身份搵下線，她即時否認，自稱是學生，沒做過傳銷行業：「唔知點解有咁嘅爆料。（係咪有人唔鍾意你？）唔知呀，我惟有做到最好，但人哋嘅想法我控制唔到。」但之後再有讀者報料，指她講大話口窒窒，又爆她經常在社交網推銷產品。

黃翠金被指經常在社交網推銷產品。
  • 黃翠金被指經常在社交網推銷產品。
一眾華姐打扮密實拍攝花絮短片。
  • 一眾華姐打扮密實拍攝花絮短片。