林子祥父子檔開騷唔預葉蒨文

殿堂級歌手林子祥（阿Lam）昨日返母校拔萃男書院，為5月舉行的紅館騷舉行記者會，並即場宣布加開兩場，一共演出5場。今次開騷特別加入音樂劇元素，兒子林德信（Alex）、小肥和胡琳亦會參與演出。
林子祥即將開紅館騷，老婆葉蒨文當然支持。
林子祥即將開紅館騷，老婆葉蒨文當然支持。

老婆葉蒨文亦現身為老公打氣，問阿Lam為何不找老婆演出？他大笑說：「冇角色啱佢！同埋佢話要歇一歇。」Alex就坦言對演出感到壓力，問到曾否被爸爸鬧表現差？他即笑笑口點頭，阿Lam聞言即作狀出拳，笑說：「我都未鬧過佢，我打過未鬧過！」Alex抵死反擊：「佢（鬧咗）唔覺啫！」

林德信（左一）、胡琳（左二）和小肥參與演出。
  • 林德信（左一）、胡琳（左二）和小肥參與演出。