陳炳銓想抄牌報復何遠東對青雲撩耳屎！

藝人何遠東和陳炳銓（Danny）在英皇電影《廉政風雲煙幕》合作，齊齊憑小角色出位！兩人早前受訪時互派高帽，Danny大讚阿東演的「數據王」好戲：「佢個角色好突破，非常好，完全深入民心！」阿東就對Danny演的「電召司機」笑言：「你仲掂啦，唔做演員都可以去揸車。」

戲中他們與劉青雲最多對手戲，阿東為演好下屬角色，特意加了些小動作：「戲入面我係數據王，圍讀完劇本，我就諗點解角色要不滿青雲，基於呢個原因我就設計咗啲小動作畀導演睇，等青雲一講嘢，我就撩耳屎囉，想話你講嘢好嘈，講嚟講去都係呢啲！」

至於Danny戲份雖不多，卻勝在夠搶，他說：「導演同我講要快，但唔係誇，變相每個鏡頭都要諗清楚畀乜嘢反應。」提到導演麥兆輝要求嚴格，為一個鏡頭再請Danny補拍：「我好開心遇到咁認真嘅導演，對導演嚟講每一秒都要執正。」

該片上映以來成績甚佳，將開拍續集，問Danny會否爭取再登場？他笑言：「我冇刻意，但導演應該望到我嘅眼神，我當然想多番啲戲，我有諗過不如演交通警抄番青雲牌。」

場地：Nexus Bar

陳炳銓想抄牌報復 何遠東對青雲撩耳屎！