梁家輝踩奧斯卡：得獎戲幾多人睇過？

郭富城、梁家輝、洪金寶、杜琪峯和余香凝等昨日出席「第43屆香港國際電影節」記者會，宣布張家輝和任賢齊孭飛的《沉默的證人》和《以恩寵之名》分別成為開幕及閉幕電影。今屆電影節的焦點影人為洪金寶，屆時將挑選其十部作品在電影節期間播放。

洪金寶當成龍係「o靚」

擔任「火鳥大獎-新秀電影競賽」華語單元評審的梁家輝，透露各行業均需要第二梯隊傳承下去，更首推前輩洪金寶做代表：「佢係電影界演員代表，係我前輩，我係郭富城前輩，佢係我哋嗰輩嘅新秀，已經接咗班，依家有余香凝呢一輩。其實我哋個個都好巴閉，十項全能，唱得跳得打得又捱得，洪金寶唱京劇不知幾好聽，我都唱得兩下！」更指電影節每年把世界不同電影藝術帶到香港：「奧斯卡應該都冇乜面，輪到香港啦！」

事後問他是否真的認為奧斯卡沒面子？他說：「其實我係攞最出名嘅頒獎禮做比喻啫，依家全世界電影業都欠缺第二梯隊，荷里活身為高端代表，都係靠特技，邊一個導演特別出色？今年得獎電影有幾多人睇過？影帝又係邊一度嘅人都冇人知。」

余香凝身為影壇新貴，被寄予厚望。	郭富城一向支持新導演和新演員。	洪金寶和杜琪峯談笑風生。

洪金寶則分享多年來於影壇的甜酸苦辣，指較喜歡做導演：「有乜機會可以八百幾人聽你鬧同嗌？」又坦言多年前執導時已給予機會其他人，揚言自己不是英雄主義：「英雄主義就留番畀我條o靚成龍去做，希望香港電影傳承落去。」事後被問到英雄主義之說，他表示：「因為我多數都係拍群戲，依家嚮往做導演多啲，可以話畀唔同性格嘅演員聽點樣演戲。」

城城推掉西片

至於首任電影節大使的城城，透露平日也多看外語電影，問到可有外國電影邀請？他說：「一直都有，唔同類型都有。（推咗好多？）要協商，經理人小美會篩選咗先。」