甄子丹多得老婆做常「哦」

藝人甄子丹日前以「寶馬香港打吡大使」身份前往沙田馬場探訪職業騎師的訓練生活,他坦言十分欣賞騎師們的毅力,認為成功之道在堅持及有拚搏之心,又指非常感謝太太汪詩詩的「哦」功,是他不斷進步的動力:「太太不斷提點我、督促我同『哦』我,我覺得係需要,每個人都需要有人不斷喺身邊同你講一啲真話,一啲批評你嘅說話。咁多年來,我諗大家都睇到我太太係點去督促我,先可以令我不斷拍更多好嘅電影畀大家欣賞。」

除了太太,子丹表示成功的關鍵還有時間分配,他還鼓勵大家找回自己的嗜好:「唔好嫌棄自己年紀大或者怕咩都唔識,好多人突然想學一啲興趣,重要係過程同嗰件事帶畀你嘅感受。」