摸到啲咩？麥美恩爆許文軒冇咁粗

藝人麥美恩和許文軒（Edmond）昨日宣傳節目《粵講粵（女贊）鬼》，緋聞成為焦點，玩伸手入箱猜食材時，美恩摸到蔗，口快快說：「咁粗嘅，唔係Edmond嘅。」Edmond幫手與美恩一齊摸，惹來起哄，有人大叫「唔好借啲意拖手」。事後美恩詐傻稱是說Edmond手臂粗，Edmond亦自言大髀粗。Edmond由主播轉做綜藝節目，美恩指對方靠自己，否認有推薦，但承認監製選角後，有問過她意見，又讚他就得人：「有次出埠好攰想去揼骨，叫Edmond陪，我淨係想揼腳，佢都肯就我。（做男友？）再出多次埠先，佢又唔會佔我便宜。」直言一起出埠會見真章。