劉心悠暗交人夫又攬又錫
藝人劉心悠昨日出席「奇華嫁喜禮餅首部愛情微電影首播禮」，席間播出她與男主角James拍攝的愛情微電影，當中更有錫錫。兩人綁紅繩手拖手出場，不但大擺甜蜜Pose，又一起整喜餅。
心悠表示今次與品牌第14年合作，微電影拍了兩日，講到她與男主角又攬又錫很親密，她說：「同James拍呢條片之前都影咗海報，所以好多Pose已經擺過，大約知做啲咩。（你哋有冇進一步發展空間？）佢結咗婚o架啦！（驚唔驚人哋老婆呷醋？）唔會，大家好專業。」她表示之前放假去洛杉磯，笑言沒有艷遇：「我着褸同冷帽去沙灘，因為嗰度好凍。」記者笑她不努力識男仔，她說：「呢個冇得Push，要有機會先得。」
