極速偷師前途無限
對於今次兩位網紅粉絲的整體表現，任達華坦言：「都算合格啦，但可以再自然啲添。雪雪演辦公室戲份就最啱，例如佢可以演秘書同人爭仔，或者八八卦卦講是非嘅OL。至於Norah拍平面廣告，五官大特寫佢一定冇得輸。大家只要努力，一定夢想成真！」
經過短短兩小時的學習，Norah開心說：「真係學到好多嘢，華哥喺化妝及擺甫士方面都畀咗好多意見我，最驚喜係佢話我個嘴好特別，又讚我淡妝好過濃妝，我一定會參考佢嘅意見。」雪雪亦說：「多謝華哥教曉我『簡單就是美』，仲話畀我知我嘅定位應該係點。我一定會增進演技，做個搞笑秘書。」