最近踩過界做歌手的楊思琦，昨現身電台宣傳新歌《愛的森林》，笑言受新歌帶挈接落不少登台騷，3月會去廣東做宣傳，雖然有想過開小型音樂會，但暫未有實際計劃。她興奮指日前為無綫節目《BB要健康》做嘉賓：「好開心，自從上次喺《歡樂滿東華》亮相之後再返TVB。（考慮再簽無綫？）雙方都係友好關係，希望有多啲合作，想上《流行經典50年》，唱啲同大家有共鳴嘅歌。」
