傅珮嘉唱慘情歌搵歌迷陪喊
歌手傅珮嘉（Maggie）前晚錄影無綫節目《流行經典50年》，透露4月底將舉行首次演唱會，由於籌備已久準備充足，故不太緊張，唯一擔心天氣反覆而染病：「我一病把聲就要成兩、三星期先好，最近都病咗，綵排已經一把老牛聲，食咗抗生素同打針都冇法，我又唔想影響今晚個騷，感恩佢哋邀請我，所以唔想有閃失。」
Maggie指今次個唱主題着重情感，不諱言以往主打慘情歌，望樂迷入場一起回顧陪伴他們失戀及失落時的歌曲，一起流淚。問到8歲大兒子可會上台表演？她笑指已問過兒子，但他不喜歡唱歌，到時只會做觀眾。