孫慧雪逼老公做歌迷
入行14年的藝人孫慧雪推出新歌《小說故事》，她昨日到電台受訪，坦言做歌手是自細的夢想，入行前參加過多個歌唱比賽，五年前曾簽約唱片公司，可惜因種種原因「胎死腹中」：「所以喺電台聽到自己首新歌個感覺好神奇、好夢幻，又唔真實！」
她笑指每日都逼老公聽新歌，叫他畀意見：「佢話唔敢畀，又話成日聽到我把聲唔識講，但聽到電台播新歌都好感動，仲話想喊。」她坦言曾放棄歌手夢，但又想創造機會，所以親自找公司傾合作，並自資五位數達成心願：「要拎出實力畀大家睇，證明我唔係玩玩吓，已經構思緊同其他監製合作。」