陳嘉桓黃宗澤被爆蜜遊馬國
藝人黃宗澤與陳嘉桓早前被踢爆拍拖，雖然沒有承認，但一舉一動都備受關注，昨日就有讀者報料指他們拍拖去馬來西亞旅行，更在網上「洩蜜」，暴露行蹤。兩人受訪時承認身在當地。
現年37歲的黃宗澤（Bosco）被指與25歲的陳嘉桓（Rose）因合作拍攝網劇《守護神》撻着，兩人否認戀情，但近日被指到馬來西亞拍拖旅行！Rose在instagram上載不少在當地吃喝玩樂的照片，食榴槤又歎海鮮燒烤，黃宗澤則被網友上載身在當地肉骨茶店的合照。
Bosco自認地膽
對於被指「蜜遊」馬來西亞，兩人統一口徑指確實身在當地，但並非同行，Bosco說：「我嚟做嘢開會，原來好多人都嚟咗，都知陳嘉桓過咗嚟，佢仲叫我介紹有乜嘢地方有好嘢食。（如果佢約你食飯，會出去嗎？）有乜所謂，我係地膽嚟o架！」
約蔚雨芯飯敍
Rose則表示與朋友旅行，亦知道Bosco身在馬來西亞：「我同朋友嚟玩，亦問過Bosco有乜好嘢食，佢都介紹咗好多間畀我，佢話有間肉骨茶好正，我都未去試。（會唔會約佢食飯？）都有約呀，但未知約唔約到。」另外，蔚雨芯早前被本報踢爆暗交家族擁千億資產的馬來西亞籍男友，Rose昨晚上載與她在當地飯敍的照片，並指兩人在港難以抽空見面，反而在外地才有機會一起吃飯。
