大肚張嘉兒長裙攝電梯 老公救番！
藝人張嘉兒與楊洛婷昨日出席BB展活動，挺巨肚的嘉兒穿4吋高踭鞋，手腳依然纖瘦，她透露5月為預產期，待細女出世後，才決定會否生第三胎。又自爆早前於商場乘搭扶手電梯時，其長裙攝入電梯罅位，幸好老公醒目及時扯出，有驚無險。
至於楊洛婷早前與老公黃天翱（Tim）出埠旅行，被問可有喜訊公布？她說：「我好想有BB，但都要靠老公，個Trip第一日已經M到，時間唔啱，近排佢又忙準備演唱會，惟有等多一個月。」又指請教了風水師擺「生仔陣」：「不過都要男人個心喺度先得，同埋要享受過程，唔想為生小朋友而『做功課』，希望多啲時間出埠過二人世界。」
