林作斬纜：冇戀可失！
林作與裕美早前被爆撐枱腳及同遊日本傳緋聞，原來兩人發展兩個多月後已告「玩完」！對於裕美被爆跟新歡王志康蜜遊，「失戀」的林作接受電話訪問時表現「決絕」，劃清界線：「有關其他女星嘅嘢一律唔回應。（失戀呀？）都冇戀過，冇戀可失！（向裕美送句祝福啦？）唔回應。」
明年底才滿30歲的他揚言要「三十而立」：「依家要清心寡欲，努力為事業拚搏，唔諗拍拖嘢。」又表示即使拍拖亦抗拒選圈中女星做對象，因為不想影響別人，亦覺得「太煩、太多人鬧」。此外，他透露今日會負腳傷到內地洽談演藝工作，問到是否做男主角？他笑說：「做茄喱啡！」