三層樓揸手！林凱欣行名店過日辰
模特兒林凱欣去年以36歲高齡推出第二本寫真集，其後爆出在小巴與乘客爭執而掀話題。幕前工作不算多的她，過着優哉游哉生活，早前便獨自現身尖沙咀專攻名店，行了多間但齋睇冇入內。
問到工作，林凱欣表示想轉型做更多幕後：「原本幫手搞選美，點知擱置咗，除咗網台主持外，仲會幫啲o靚模籌備出寫真。（對幕前心淡？）不嬲都有潛規則，有啲講到明要陪，但陪完又做到主角咩？」她又自爆生活無憂，全因有三層樓揸手，廿幾歲已做業主：「以前一日打兩份工，入行前已經儲夠首期喺元朗『上車』，之後樓換樓成功買咗奧海城自住，再喺旺角同大阪買樓放租，每個月租金回報都有萬幾，慳慳哋夠用。」
