黃又南進軍潮界畀人當傻仔

又南一手一腳搞自家品牌，希望設計獲賞識。

最近創立自家服飾品牌的黃又南，自言初期不敢太誇張，主要是穩陣的黑白灰設計，以質地為賣點，稍後會加入其他元素，例如親自設計褲子：「前排我叫個服裝指導帶我買布，又問佢有冇裁縫介紹我識，我話設計咗條褲但唔知Work唔Work，佢話：『你係咪傻O架？買咪得囉！』」他同樣自嘲「傻傻哋」，但又覺得幾好玩，在重慶大廈找裁縫時更巧遇不少電影人：「佢哋唔知我做咩，都有啲尷尬，好彩出到嚟個效果都幾滿意。」

感恩父親認得人

近兩年常被問是否改行從商，又南強調拍戲、唱歌才是正職，幸好百忙中仍有足夠時間陪家人：「爹哋有腦退化，喺護理院，但我唔係放棄佢，而係畀個地方有專業人士睇住佢，媽咪都輕鬆咗好多。媽咪最少隔日會睇佢，如果佢唔喺香港就交畀我，我覺得係應該嘅。」坦言最初難以接受爸爸會忘記他這個兒子，但很感恩情況沒有再轉差：「腦細胞壞咗冇得返轉頭！佢健康好好，只係好似小朋友咁，但有時講得出我原名，又知電視入面嗰個係自己個仔，都幾得意。」

雖被指從商，但又南稱演藝事業仍是正職。	與母親同心照顧腦退化的父親，又南永不言苦。	又南曾與珠寶店太子女莊莎娜傳緋聞。

爸爸患病，令又南人生觀改變，深知人很渺小，現在無論對人或物也格外珍惜，更明白到及早看醫生的重要。傳統的他坦言想組織家庭及生小朋友，然而至今仍是單身：「呢啲嘢冇得計劃，等於運咁，行緊運嗰陣擋都擋唔到，係你就係你！我有朋友拍拖7、8年但分咗手，之後同咗第二個結婚。我覺得慢慢嚟啦，尤其是我哋呢行，男仔鬥長命o架嘛！」

服飾：Numb Apparel