獲德媒採訪羅浩銘「打」出香港

武打藝人羅浩銘功夫了得，曾拍攝《L風暴》、《使徒行者》等不少動作電影，亦曾為無綫台慶擔任武術設計，令人刮目相看。日前，德國一間電視台來港採訪，令他相當榮幸，他說：「當地電視台做緊一個講動作英雄嘅節目，今次隊Crew特登嚟香港訪問一啲動作演員，睇吓我哋有冇啲咩拍攝難忘經過、辛酸，我仲即席示範一啲武術同大家分享。」他表示訪問中談及自己拍攝時不幸受傷的經過，亦有分享對動作、功夫電影的熱誠，希望可以親自上陣拍攝危險動作，不假手於人，能與經典功夫巨星一樣！