陶大宇包場做阿四氹獨居老友記

陶大宇親下廚煮蝦，取其好意頭「哈哈笑」。

非常孝順年邁母親的陶大宇，深明不少長者會陷入孤獨的負面思想，尤其獨居長者最為嚴重。他特別為獨居「老友記」舉行飯局，一齊開心食飯。

老唔代表懵

大宇出錢出力，以5位數字包場筵開5席，共邀60名區內獨居長者及一些低收入人士一齊開餐。平日愛下廚的他，即場煮大蝦，取其「哈哈笑」意頭，並親自為「老友記」上菜及送壽包，唱完歌又送禮物及現金獎，氹得一眾長者笑逐顏開，個個捉實大宇「集郵」。其中一名90高齡的婆婆，與大宇傾到忘形，錯過吃她至愛的鮮雞。

大宇受訪時表示：「其實獨居老人好慘o架，所以我覺得要照顧吓佢哋，咪包場一齊食飯熱鬧開心吓。呢種活動我都好想定期舉行，去唔同地區同『老友記』交流。其實佢哋有好豐富嘅學識同見識，同佢哋傾偈感受到，大家唔好以為老就懵盛盛，其實佢哋都好精靈o架，只係平時冇人同佢哋講嘢啫。」

拎壽包上枱的大宇狂講笑話，氹得一眾長者笑逐顏開。

大宇非常細心，扶住行動不便的婆婆進場。