米蘭遇大肚扒手郭慶彬心噏保不失
星級形象造型師郭慶彬（Ricky）身在米蘭欣賞時裝騷，行程中卻遇上扒手，他猶有餘悸說：「我同個朋友行緊去會場，突然後面有個大肚女人頂我一下，之後發現我個袋開晒，佢就準備偷嘢，我即場鬧爆佢。」他指對方即時否認，並拉高上衣晒出肚皮以示懷有身孕，爭拗期間有保安到場：「我即刻檢查個袋，朋友問我使唔使報警，但我見都冇唔見嘢，所以冇報警就走咗。」Ricky事後覺得該女人挺着大肚都要偷竊，感到十分心噏：「嗰刻想返轉頭畀錢佢，畀朋友鬧我係咪傻咗！」
《銀河2》女星同場睇騷
另外，Ricky出席時裝品牌Max Mara 2019秋冬時裝展，與設計師Ian Griffiths合照，並交流時裝心得。品牌還邀得荷里活電影《銀河守護隊2》澳洲女星、「Women In Film Max Mara Face of the Future Award」得獎者Elizabeth Debicki出席。香港歌手AGA、台灣女星賈靜雯與內地藝人余男亦有亮相。泰國演員Poyd身穿品牌大褸展現美態，AGA則以亞馬遜女戰士形象亮相，令人眼前一亮。
