Aka生日冇花收 失敗！
女子組合Super Girls隊長Aka（趙慧珊）昨日獲森美邀請，擔任電台節目的客席主持。她笑言學懂不少冷知識，例如森美指女性靠氣味尋找異性，而不是靠感覺：「係DNA作祟，依家搵男友都會理性啲。」
Aka透露入行前曾主持電台的愛情節目，為聽眾提供意見，但自嘲當時不夠經驗：「畀人啲意見唔到位，依家就好啲。」問到現時的感情狀況？單身的她大呻生日冇人送花：「失敗o架！但今年Solo出歌，都唔係呢個時候（拍拖），我一拍拖就想結婚。（趕生B？）媽咪想我快啲成家立室，但佢依家將希望放喺就嚟結婚嘅妹妹度先。」