李美琪曾患暴食症冇工開似廢人
曾參加港姐選美而入行的「牛雜妹」李美琪，早年受體重困擾，更一度患上暴食症，半年沒工開令她自覺像廢人，幸得家人支持及男友疼錫，終於解除魔咒，工作接踵而來！
以往經常因體重而被取笑的李美琪（Monnie），為東網巨星節目「海馬牌床褥特約」《閨蜜睡房》擔任最新一集嘉賓，與主持李惠儀（Kiwi）暢談減肥經歷及少女心事，她坦承很喜歡食甜點：「一壓力大唔開心或者肚餓，第一樣諗到就係食甜嘢。」
被取笑愈減愈肥下，Monnie終於認清要付諸行動，減少吃甜品、多食正餐，成就如今的弗爆身形。她又笑指以前肥的時候就似中魔咒，很多工作都會突然被Cut走，但認為入行後最辛苦的不是減肥，而是等Job到。
男友讚樣樣都靚
蜜運中的Monnie與甜品店太子爺拍拖以來一直好甜蜜，更獲男友讚樣樣都靚，她笑說：「我好溫柔，好似佢媽咪咁照顧佢，佢生活所有細節都係我負責！」與男友認識多年，經歷過她人生的最低潮，曾經暴肥到一百三、四十磅，她曾問過男友：「我係肥妹仔，點解會鍾意我？」男友則瀟灑地說：「我唔睇女仔頭以下嘅嘢！」雖然笑男友膚淺，但她的內心不知幾冧！想知道Monnie更多愛情睇法及秘密，記得本周五、六、日收睇《閨蜜睡房》！