戴夢夢遊日唔陪老闆「裸浸」
藝人戴夢夢與胡渭康等前晚出席公司大名娛樂的新春團拜活動，二人透露早前與老闆一家到日本旅行兼浸溫泉，夢夢大爆老闆曾問她：「唔係一齊（浸）咩？」胡渭康搶說：「你唔乖囉！我就同老闆浸，咩都見到，玉帛相見！（唔尷尬？）冇，佢先係最大方嗰個，我就守尾門。好感恩老闆當我哋屋企人，安排最好嘅衣食住行，可以過一個豐盛豬年，係個好開始。」
夢夢此行瘋狂買食物，搞到行李超重要手提上飛機，她覺得是好兆頭：「豐衣足食呀！」胡渭康則買了大量金箔食品，並揶揄夢夢：「識買就買呢啲，講智商！」又笑指夢夢正準備做人妻：「趁更年期之前準備吓生B！」但夢夢揚言不心急嫁人，更指父母提議她雪卵。
同場的陶枳樽透露將推出新歌，心情緊張：「已經錄咗首慢歌，如無意外首快歌會跳舞，因為我係Dancer出身。（會好性感？）未知，但會配合歌路，睇公司安排。」