「加拿大奧斯卡」爭女配李施嬅有信心：可以撼吓！

李施嬅憑加拿大劇集爭「女配」，坦言有信心。

回春靠姊妹滋潤

李施嬅表示會抽時間出席頒獎禮，更相約好姊妹胡定欣揀「戰衣」，她說：「拍緊《荷》時咁啱係《血》面試，為咗拍食煙場面食咗成包煙，搞到作嘔！（有冇信心？）有提名已經好好，候選得5個位，我係唯一華人，獎項亦冇華人攞過，信心都有啲，可以撼吓！」對於被本報拍得買燉湯，被讚保養得宜撼低劇中「90後」演員，她笑言沒愛情滋潤，但有姊妹滋潤，歡迎介紹「筍盤」給她。

同場的蔡瀚億（Babyjohn）因經理人公司與無綫有官司而遭無綫封殺，昨日破例出席宣傳，他笑說：「今次係應晶哥邀請過嚟，希望之後可以食多幾餐飯。」王晶女兒王子涵則笑言，若大結局收視高過平均收視，會提議爸爸開續集。

王子涵	遭無綫封殺的蔡瀚億，「破禁」出席宣傳。	話明「開年飯」，大家齊齊「撈起」攞意頭。