自認諗多咗宣萱慶幸冇生BB

藝人宣萱和森美昨日出席「英國保誠 虛擬場地單車館」啟動禮儀式，聯同單車好手黃金寶在場分享踩單車心得，一向身形Fit爆的宣萱竟說：「以前食極唔肥，好鍾意做運動，到依家一食就肥，但就唔鍾意做運動，所以多數選擇行山。」她表示讀書年代鍾意跳彈床，但入行後日日開工沒時間。工作方面，她表示3月底要到內地為電影《尋秦記》開工，預計拍到6月，而6月她要飛赴法國參加朋友的婚禮，7月則到英國與舊同學聚會，認真忙碌。問她可趁機識個外國男友？她笑說：「冇諗，依家自己一個好開心，隨緣，要嚟就嚟。」她坦言於35、36歲時曾有一刻想生BB：「依家諗番慶幸冇生啫！不過成日畀朋友鬧我顧慮太多、諗太多，又怕生一個之後，到時兩腳一伸，咪剩番佢一個好慘。（依家好抗拒？）天要畀你就畀你，但我依家邊有咁多體力湊小朋友呢？」