腳趾骨裂蔡思貝照着高踭鞋

藝人蔡思貝、袁文傑及李璧琦等前晚出席無綫網劇《警察故事》煞科宴，思貝表示農曆新年期間休養療傷，皆因由頸、腰骨到腳趾也受傷，她笑說：「1月時踢咗落鐵通度，腳趾骨裂咗，我本身好忍得痛，仲去打籃球，隔咗成個月上個禮拜去睇醫生先知骨裂，醫生仲寸我咁忍得，唔使開止痛藥。」但她仍穿高踭鞋現身，笑認貪靚，並指腳趾仍包紮着。除了腳傷，她又自爆腰及頸部亦有傷患，希望在4月再開劇前能好好療傷：「想好好調理身體，執番好啲肝、腎，期間會做一啲綜藝節目、登台賺吓錢。」講到日前元宵佳節可有人約？她即自嘲：「冇，我呢啲咁嘅質素邊有呀！」