藝人感覺高高在上，其實也有「貼地」一面玩平民化，甚至「Cheap」住拍拖，務求慳得一蚊得一蚊！
前港姐冠軍陳庭欣（Toby）與身家過億的老闆男友Benny打得火熱，Toby沒乘機過闊太生活，反而做跟得女友陪Benny到工展會視察男友公司攤位，期間分享街頭小食，又一杯雪糕兩份分。
童星出身的藝人黃美棋與男友鍾健威感情穩定，美棋曾透露拍拖活動都是食飯、睇戲，為了慳錢更睇早場買特價戲票，校定鬧鐘起身入場，一於慳得就慳！
「宅男女神」蘇麗珊曾被拍得與圈外男友拍拖食「茶記」，事後直認拍拖出街會去茶餐廳和食車仔麵，並指情人節不會外出消費：「食嘢好貴，又多人，傾向屋企煮嘢食。」