蔡一鳳龍鳳胎愛玩水

前亞視高層盛品儒（James）與老婆蔡一鳳（Michelle）的龍鳳胎女兒盛樂芙和兒子盛樂林去年10月出世，今年首次一家四口過新年，早前穿着紅噹噹中式棉襖在屋企拍攝全家福，龍鳳胎終見正面照。Michelle抱着囝囝，盛品儒則抱着囡囡，Michelle踢爆老公特別錫女：「囝囝樣似我，女似James，佢好錫個女，話係前世情人，成日起身第一時間去同阿女報到，帶佢去天台花園散步。（囝囝係你前世情人？）絕對係，囝囝好錫我。（再生？）如果可以有4個小朋友會熱鬧好多，不過係心願而已。（希望再生Twins？）想。」