嫌荷包未夠肥鄺潔楹陳詩欣密密吸金

兩位「仙氣女神」鄺潔楹（Judy）和陳詩欣（Eunice）新年期間照常開工，並齊言：「好意頭嚟，開一開年先去休息玩。」Judy稱已安排和家人歐遊，過去一年因工作遊遍不少地方的她說：「去年咁忙當然係好事，聽好多前輩講有嘢做好過冇嘢做，要珍惜每個工作機會，當然有攰嘅時候，加埋唔夠瞓搞到皮膚差晒，氣餒咗一段時間，好在性格樂觀，會諗正面嘢多啲。」忙足一整年儲足「銀彈」去歐洲血拼？她說：「我覺得仲可以豬籠入水就更加好，豬油成分再高啲，我賺未夠肥（荷包）呀！」