李佳芯桃花旺唔急結婚生仔
視后李佳芯昨午到荃灣出席新春活動，她透露農曆新年陪伴家人及休息為主：「暫時冇劇拍，今日先復工嘅，之前陪屋企人之餘，都有去啲朋友嘅世紀飯局。（發新年財？）有玩魚蝦蟹，不過只係一、兩蚊咁玩，最尾贏咗十幾蚊攞咗個意頭。」
談到過年前馬國明叫她上其家拜年，向伯母請教買桃花及向其家姐請教買樓，佳芯笑說：「最終梗係冇啦，不過我自己都買咗桃花，兜咗幾個圈。（屬狗嘅你被批行桃花運。）呢樣嘢包埋人緣，呢幾年其實都唔錯。」問有否上男友陳炳銓家拜年？她說：「有食飯。（有冇被催婚？）又冇，我啲親戚早幾年都有，但依家已放棄咗我。（你唔想生小朋友？）以前想，隨緣啦！」