李靄璣儲錢買樓押後造人
歌手林奕匡太太李靄璣（Rikko）雖然在加拿大長大，但身為新手人妻，對於農曆新年非常重視，還專誠訂製二人專屬利是封：「個利是封好代表我哋夫婦嘅喜悅，希望可以將祝福送畀大家，所以我哋就印一個我哋專屬嘅利是封，咁派出嚟又有紀念價值。」
談及新年習俗，她表示年三十晚必定會與老公在家中大掃除：「一齊打掃都係兩夫妻嘅一種情趣，亦係一個好好嘅藉口去收拾屋企，因為我哋屋企真係好多嘢，好亂，所以我哋遲啲想搬去一個空間大少少嘅地方。」至於豬年願望，她期望今年能做業主圓上車夢，故將造人計劃押後一年：「香港樓價真係好貴，希望今年成功置業，咁就落地生根！我係好鍾意BB，希望儲多啲錢先，下年先諗生BB啦！」
場地：Mini Hotel Central