余香凝患卵巢囊腫

豬年將至，古天樂旗下藝人包括余香凝、廖子妤、麥子樂與陳穎欣齊齊寫揮春應節。余香凝展望豬年能夠接拍更多實況電影，並學懂放鬆：「本身個人好緊張，有時拍完場戲，會覺得表現唔係太好，不斷反覆去諗，搞到成晚都瞓唔到覺，亦因為咁而出現情緒問題同賀爾蒙失調，上年發現患有卵巢囊腫初期，所以新一年要懂得釋放情緒。」至於廖子妤希望豬年學懂理財：「近半年恃住自己工作辛苦，見到想買嘅嘢就買，愈花愈多錢，所以豬年要好好掌握理財概念。」陳穎欣則想戒掉懶音，而麥子樂正在寫劇本，期望得到電影公司垂青。