楊明絕緣：思明好惡㗎！

莊思明網爆「小三」，但她與楊明表示並非「當事人」，只是講朋友。

莊思明昨日在社交網留言鬧爆一名「再造人」，充滿火藥味：「真係唔明白點解啲再造人可以成日咁唔要面，纏着人哋嘅男朋友……」正當外界以為是其男友楊明遇上「飛來蜢」，她事後卻回覆：「只係發生喺朋友身上，我睇唔過眼，朋友唔係圈中人。」

自稱「完全不知情」的楊明昨晚如常工作，偕同蔡思貝及張達倫等在九龍灣，為警方委託無綫攝製的電視電影《警察故事2019》開工，拍攝圍捕匪徒的戲份。談到女友相當「激氣」，他說：「我都係聽記者講，然後睇佢社交網站先知，嗰個朋友我都唔識，但絕對唔係我！思明好惡o架，我亦都冇人埋身，係絕緣體。（佢讚你乜都同佢講！）拍拖係要咁，畀安全感對方嘛！」

莊思明	放大圖片	蔡思貝與楊明趁未埋位乜都玩一餐。

蔡思貝撞番警察Uncle

談到今次拍攝《警》片，楊明與蔡思貝異口同聲覺得榮幸，由於蔡爸爸曾任職警界，思貝特別有親切感：「呢套戲大部分係根據真實個案改編而成，其實除咗我哋幾個演員，亦出動大批現役警察參與演出，有啲爸爸舊拍檔見到我，仲登特攞番啲我細個喺警局同爸爸嘅合照畀我睇！」

提到莊思明「鬧小三」，思貝表示不知情：「我同楊明識咗好耐，大家感情似足兄妹，好鍾意同佢開工，日日笑到魚尾紋都出晒。」完成昨晚戲份後，思貝與楊明亦已煞科，可以開開心心與家人過新年。