4隻小豬憑畫寄意苟芸慧：老公明㗎啦！
肖豬的苟芸慧（苟姑娘）去年下嫁賽車手陸漢洋，今年豬年首次派利是，新年願望是希望「同老公甜甜蜜蜜，屋企人平平安安，喜喜樂樂」，她更應本報之邀畫豬畫，畫了一大豬，代表她，旁邊則有四小豬，一直明言會努力造人的她笑說：「老公明0架啦！」
不過，她並不心急，希望第一個生「老虎仔」：「老公好傳統，好講生肖，佢想生虎BB。（虎年利佢？）佢話好多Friend都屬虎。（想將來小朋友同佢做朋友？）應該係啩，我冇乜所謂，會尊重佢。（你鍾意女多啲？）覺得最好第一個係仔，第二個先女，哥哥照顧妹妹，我自己係大家姐，覺得大家姐係辛苦啲。」
拍劇學定湊女
早前忙於拍攝網劇《飛虎之雷霆極戰》，劇中飾演馬國明老婆的她，笑言角色是另一個「苟芸慧」：「角色要不停鬧人，講真對我係有啲難度，要好快好大聲咁鬧人，唔使好似飛虎咁多體能，但發覺原來鬧人都幾辛苦。劇中仲有個6歲嘅女，第一次演有咁大個女嘅角色。（可以練習湊女？）可以，佢好多Energy，陪佢玩知多啲佢諗乜。」
化妝/髮型：Amy Lee/Sue Cheung @ Hair Corner K11
服裝：Marella
場地：Envy Restaurant & Bar